ஆஸ்கார் பிலிம் பிரைவேட் லிமிடெட் சார்பில் வி.ரவிச்சந்திரன் தயாரிக்கும் படம் ‘வாரணம் ஆயிரம்’. இதில் சூர்யா, சிம்ரன், சமீரா ரெட்டி, திவ்யா நடிக்கின்றனர். கவுதம் வாசுதேவ் மேனன் இயக்குகிறார்.

இப்படத்தின் 2 பாடல் காட்சிகளின் ஆடியோ, வீடியோ காட்சிகள் இணையதளங்களில் இடம்பெற்றுள்ளது. இதில் சூர்யா, சமீரா ரெட்டி நடித்துள்ளனர். படப்பிடிப்பே முடியாத நிலையில், இப்பாடல் காட்சிகள் இணையதளத்தில் எப்படி வந்தது? என்பது குறித்து கவுதம் வாசுதேவ் மேனனிடம் கேட்டபோது, கூறியதாவது:

என் அலுவலகத்தில் பணியாற்றிய ஒருவர், 7 மாதங்களுக்கு முன் ஒரு பாடல் காட்சியை கம்ப்யூட்டரில் இருந்து எடுத்துச் சென்றுவிட்டார். ஆனால், அது இறுதியாக எடிட் செய்யப்பட்ட பாடல் காட்சி அல்ல.

இணையதளத்தில் இருப்பதாக சொல்லப்படும் 3 பாடல் காட்சிகளுக்கும், ‘வாரணம் ஆயிரம்’ படத்தில் இடம்பெறும் பாடல் காட்சிகளுக்கும் சம்பந்தம் இல்லை.

இவ்வாறு அவர் கூறினார்.